ಕವಿತಾकविताPoem

Otivastou doivgoti [Shoilendra Mehta]

Kaim tempathaun kovitechem amal seunko otregon aslom hamv hi kovita vachun vachun kaim kovitecho bebdoch koso dislom. Kitem somvar hea kovitent lipleat ani yedoll pason hea kovik hamv konkonni kovinchea mellint kiteak polleunko soklomna mholl'llem lachar‌ponnachem chintop motint ghuslem, punn atam tor‌yi ho kovi ani hea kovichea kovitenk parkunk toxench xikunk aukas labhlo mholl'llo sontos‌yi zalo.

Kaim challis vorsam thaun moratthi toxench konkonnint kovita boroun ayil'lo bab xoilendro mehta, paromporik kovita nhoi bogar adhunik kovita boroiteleanchea pongter asa. Omurt sonket (Abstract images) oplea kovitemni guntun utrantolea orthanchea gorbhamni tim lipomvchi xeathi ascho takteunt kovi mhonnocheak tacho ailevar porgott zal'lo kovitazomo ’sisifos teng‌xer’ govai. Bakichem mapunk tukach soddtam.

[Kovita] Otivastou doivgoti [Shoilendra Mehta]

Otivastou Doivgoti

vontti nirmann zamvchemadim

mollob mekllem

kupam viroit

indrodhonnuche kuddisuvalle

sozoit aplea angnnat

apounne dhaddit

vosontoranantlea xeunneank

paxann yugasaun

vontti ubeo zatkoch

varem addaulem

suru zale

apaplea kholleantole

doxautaranche kale

ailo samvar

ghuspole somest

mithok ani fikxon

hanchea uttongarant

nachoit khelloit

dhalo- fugddoyo -xigmo

ani uprant

jinnechi dhulloudd korit

smritibhronxachea duyemsan

ghaleo add

tornneo kuddi

lodd xedding chea nimtan bandil'lea

kallkhachea bolkamvancher

ugddasachi foskam pettoupi

kudd'ddoya - bhedd'ddoya -xoktihin

mhatareakotarea

dodhichinchi haddam

marit raulim korondayo

punn itihas visrun gel'lea

kusankiddink urlina as

fulpakuleachea mukt udd'ddannachi

kallkhea kupanchi

chitrovichitr painjelam

bandun ghalun

chokchokote fremint

mollob ailem dattun

svoimprokaxit kazule

ani sury chondr nokhetram legit

ghumvle - liple sodit

kalcho kall

kalche dis

kalche khinn

fremichea ujvaddant

- Shoilendra Mehta [March, 2019]

Shoilendra Mehta: Kaim challis vorsam thaun moratthi toxench konkonnint kovita boroun ayil'lo bab xoilendro mehta, paromporik kovita nhoi bogar adhunik kovita boroiteleanchea pongter asa. Omurt sonket (Abstract images) oplea kovitemni guntun utrantolea orthanchea gorbhamni tim lipomvchi xeathi ascho takteunt kovi. Tacho kovitazomo ’sisifos teng‌xer’ ailevar porgott zal'lo zaunasa.

Comments

No comments yet. Be the first to say what you thought of it.

Leave a comment

Write in Kannada, Nagari or Romi, whichever you like. He reads every comment before it appears here, so yours will not show straight away. Your name is printed above it.

Your name

Your comment

0 of 2,000 characters

Only your name and your comment are kept - no email address. They stay on the site until he removes them; to have yours taken down, write to him through the contact form and say which one. Privacy.

Author

Shailendra Mehta

Zolm': Ponnji
Mullave xikxonn vaglle haiskul mongexi, tache uprant sorkari uchch madhyomik videaloi ani dhempe kolez, ponnji. Uprant mumboi videapitthachi totvoginean vixeantani gova videapitthachi rajyoxastr ani lettin omerikon sttoddiz vixeamni podvyut'tor podvi. 1980 chea doskant videarthi, kamgar ani Konkani cholloullini sokriy.
Konkani, moratthi, inglejh bhaxantlean kovita, lekh, nattyoporikxonn, nibond, sod nibond, mulakhoti toxench sthaptyoxastr, ddizhain, hostokola, somazoxastr, rajyoxastr oxea vingddovingodd vixeamveli borpaull thollavea, raxttri-i ani antororaxttri-i nemalleani sat'tean ujvaddak yet asa.
Goa videapitthachea Konkani vixvokox proklpant sonxodhon sohaik: 3 vorsam
Goan Viklicho Sompadok: 1 vors
Gomontok Times Nemalleant Potrokar: 5 vorsam
Fr.Agnel College, Pilar Hanga Rajyoxastr Vixeacho Veakheata: 6 vorsam
Gelim 26 Vorsam choddso Mumboi rabito.
'inddeks fornichor zornol ' hea antororaxttri-i nemalleachem 20 vorsam sompadon,
'mai monttor'(3 vorsam) hea inglejh ani 'songram'' (7 vorsam) hea moratthi nemalleachem sompadon
Gomontok ttiuhi hea chenlacho maji sol'lagar sompadok: dedd vors
Poinnari.com Sohsompadk: 2020 Saun
Sompadok: Vornnomudra, Konkani sahityik tin mhoineallem 2024 saun
Ujvaddoil'lem Sahity:
1. Sisifos tengxer: Konkani kovitasongroh
2. Mukt chinton: nibond songroh (Konkani)
3. Obhizat: somvsarik sahiteacher moratthi nibondh songroh.
4. Vijnovasantolo bhounddekor: Konkani kovitasongroh
5. Ximepolotoddochem daiz: kothasongroh (16 somvsarik kothancho Konkanint onnkar)
6. Mukt monthon: nibond songroh (Konkani)
7. Mumboicho vepari: ke ji mol'lea hanche kadomboricho Konkani onnkar
8. Algoridomachea vixvant: kovita songroh (Konkani)
9. Pleg: alber kamyuche french kadomboricho Konkani onnkar
10. Goveatil porxuram' kotha vo brahmonni itihasolekhon: moratthi

Fuddem Yeupi Prokaxonam:
1. Okxor: nibond songroh (purvil'lea te modhyoyugamerenchea namnechea sahity rochnnukanchi molaunni) (moratthi)
2. Osvosth vortoman: kovita songroh (moratthi)
3. Pordesantolim fulam: 60 somvsarik kovincher ttipnnam anni tanchea kovitanche onnkar (Konkani)
4. Kotha porikroma: vis somvsarik kothancho moratthi onnkar
5. Osmanoteadd bondd: periar (Konkani)
6. Soundryoxastr ani Konkani sahity
7. Kallkhantolem rong ani her kotha: Konkani kothasongroh
8. Against the Silence: Poetry collection in English
9. Mocking the Mundane: Collection of Essays in English
10. The Parashuram Myth and Brahminical Historiography in Goa (English)
11. Olpakxor: kothnam ani kounam (Konkani)
12. Arvil'lea vicharovixvantole bonddkhor: 10 chicharount ani tanche vichar (Konkani)
13. Srizonosomvosaracho harso: somvsarik sahiteacher nibond (Konkani)

Lipeantoronn Zal'lim Pustokam
1. Sisifos tengxer: Konkani kovitasongroh (kon'nodd)
2. Nirvasit yatrichi bhounddi (kon'nodd)

e-Books
Sisifos Tengxer: Konkani Kovitasongroh (2021)

• 100 poros chodd vingodd vingodd ontororaxttri-i ani bharti-i bhaxantlea kovitancho Konkanint onnkar.
• poinnari onkachea kovi hokk ani man, mhoineacho kovi bhouman mellil'lea kovitancher porikxonnam

Puroskar:
Sisifos Tengxer (kovita songroh):
• Konkani okademicho rajy Puroskar (2018)
• Konkani bhaxa monddllacho rok barretto Puroskar (2018)
• Vishwa Konkani Kendrancho Vimala Pai Puroskar (2021)
Mukt Chinton (Nibondh Songroh):
• Konkani okademicho rajy Puroskar (2024)
Mubomycho Vepari (Onnkar):
• Konkani Bhaxa Monddllacho Puroskar (2024)
Nirvasit Yatrichi Bhounddi
• Ashawadi Prakashanacho Denis Dcunha Smarok Kannad Lipeantoronn Puroskar (2025)

All 9 pages by this writer