Sorop [ Porex Norendro Kamot ]

Jedonam monoxeachea monant ondhokar bhoron asota, tedonam tachean dolleamni pollomvochea va kanamni aikuncheant forok disana. Sorv ek disota. Sorv ek somozota. Ani hechch unne somozonnent monis foisol korota. Herank mapunk veta. Ho ogean, hi na-somozonni va motintolo ondhokar ekathoracho porodo dolleancher ghalotana sogollo somsar taka ek saroko disota.

Hi kovita thoddech utoramni horek monxachea oskot chintpacher orso dhorota. Bab porex norendro kamot ailevar sahik okaddemi puroskar zoddpi yuvokovi. Konkonni kovitenk dexachea her pranti-i bhasemni vhorchi xeathi hachea kovitemni asa. Ani hi kovita tachi opurbhayechi govai dita.

[Kovita] Sorop [Porex Norendro Kamot]

Sorop

Sollsollotta vot tonnant sorapa sarkem

sollsollotta tonn votant soropa sarkem

sollsollotta sorop tonnant vota sarko

holldduvo

odhbhut hem holldduvenchar

tonnantolem

bhor votant

sollsollot rauta mhojeant

soropa vori

fonno ubarun

- Porex Norendro Kamot [Janer, 2019]

Porex Norendro Kamot:  'olong', 'gorbhakholl', 'xubhankor', 'chitrolipi', ani ’rongoboli’ mholl'lle panch kovitazome porgott zaleat. ’chitrolipi’ bukak sahit okaddemicho puroskar, konknni bhaxa monddoll puroskar, bi.Bi.Borkor smarok puroskar, kola okaddemi sahityo puroskar, zonogonga sahityo puroskar, gova konkonni okaddemi sahityo puroskar ani goyam sorkara thaun yuvo srizon puroskar labhleat. Hacheo kovita hindi, guzorati, sindhi, moratthi, ponzobi, telugu ani iglix bhasemni onuvadit zaleat.