Sorvising [ Zosmita Fernanddis ]

Aicho kall moddorn kall. Dekun kanache kanpe kaddche thaun pamyancheo nakxeo sobhounko soit oplea ghorach boson fokot mobailacher tem kam' korteleank apouyet. Toklechem mosaz zamv, angachem mosaz zamv horek thorachi seva az‌kal labhta. Punn hea kritok jivitant soit monxak mog mholl'llo ozun sohoz prokria dekun monxak mog sohoz ritin zaunko zai mholl'llem chintap opurbhayen ubhzamvchi kovita gheun ailea bai zosmita fernanddis.

Em'.E. Podyut'torachem xikop zoddun goyant xikomvchi hi konkonni kareamni sokriy. Sompe vichar punn monxaponnak logti zal'le dekun hichi kovita sompi mhonncheporim na. Atam hea kovitechi sobhai chakunk tukach soddtam

[Kovita] Sorvising[ Zosmita Fernanddis ]

Sorvising

logna poili zaum

logna uprant zaum

mogachem sorvising korun gheuchech poddtta

mogak tan lagta...

Bhuk lagta...

Tika pettrol-ddizol-eyl ghalun

cholouchech poddtta

mogak thonddi zata...

Zor yeta...

Hi thonddi, ho zor

‘hai ttaidd’ zaun

tokler choddttoch

mogak, dotorager vhorche poddna

‘mudd’ sarko korun gheuk

‘ddettik’ vhorche poddtta

logna adi, vhokle-nhoreachi

mogeanchi...

Logna uprant

ghovo-bailechi...

Kestavam soddounk,

ragaulear- dukhoulear

zhogoddlear- roddlear

bezarlear...

Oxi kitlixich sorvisingam

logna poili asum

logna uprant asum

hech mogachea tufanak

efolain axil'le enolain hadduk

ken'na-ken'na efolain vochpi mogak

enolain haddchech poddtta

mogacho srku ttaitt korunk,

‘xourumant’ vhorchem poddtta

mogachem sorvising korumn gheuchech poddtta

mogak tan lagta...

Bhuk lagta...

Tika pettrol-ddizol-eyl ghalun

cholouchech poddtta

mogak sorvising zaich asta.

- Zosmita Fernanddis [March, 2019]

Zosmita Fernanddis: M.A. Podyut'tor xikop zoddun goyant xikomvchi hi kovita, lekhonam toxench kannio boroita. Raxttri-i kareasallamni probondh sador keleat. Sobhar borpam porgottleant, kovigoxttimni vantto ghetla. Gõyant konkonni kareamni sokriy ritin vantto gheta.