मार्च ८

देवान मनश्याक रचलो आनी दिसांक मात्र रचलो. पूण मनश्यान बजार उभो केलो आनी ह्या बजारांत मनशा संबंधांचो गोळ केलो. देकून आवयांक एक दीस, बापयांक अन्येक दीस, मोग कर्णारांक एक दीस, मेल्ल्यांक अन्येक दीस. पूण हांगासर जिवंत आसोन मोरोन गेल्ल्या चिंत्पाच्यांक मनशा संबंधाक दिसाक राकोन रांवची गर्ज आसागी म्हळ्ळें विडंबनात्मक सवाल कर्ता बाय वसुधा प्रभू.

मार्च ८ तारीक अंतर‌राश्ट्रीय स्त्रीयांचो दिवस. पूण आमच्या देशांत, आमचे समाजेंत आमच्या स्त्रीयांक कितलो मान लाभता म्हळ्ळें सवाल आमी कर्ची भोव चड गर्ज आसा. ’घराचो दिवो’ जावनासची एक स्त्री खंडीत जावन बुकांनी वा क्यालेंडरांनी सोभची वसत न्हय बगर काळजांत राज कर्चेतसली म्हळ्ळें चिंतप ह्ये कवितेंक उटोन दिसचें तुमिंच पार्कियात.

मार्च ८

हांव म्हणता, मार्च ८ च कित्याक

वर्सा सगळे दीस जावका स्त्री यांक

जन्मा एत्तनाची चेडू जल्ले म्होणू

कर्तात तिरसकार

सगळे विषयांतू घरतूची जत्ता तात्सार

सान प्रायेरीची दाकले भावंडाली

जत्ता ती आवयी

तांका हांडीर धोर्नू भोवंडायिता सदयी

भूक लागली की तांका मोगारी घासू भरैता

अपले आवयीक मदत म्होण

सगळे घरा कामयी कर्ता

बेग्गी तिजे लग्न कोर्नू बामणा घरा पेटयिताती

थयी वरे सगळेल सेवा कोर्नू,

घर दार म्होणू तातुची आनंद पावता ती

सकाळी धोर्नू कामांतू असून सकडा जायी तशी

ती चोलनू ती जत्ता सगळेल हात्ता खेळणी

कळत न कळत जात्ता मुल्ले अश्ची मिट्टाची भरणी

आयुषय भरी अपणेलो संसारू संभाळत असता

अपणेलो संसारू सुखारी दवरी म्होणू देवाले माग्त असत

कषट कालारी सगळेले फाटिबलाक ती रबता

कोणाल्की बायील, भैणी,आवयी,नणंद, भावज ती जत्ता

कडे श्वासा पऱ्यंत सक्कड संबंदू जप्त असता

अश्शी प्रती एकलेल जीवनांतू तिगेलो

वांटो होडू

जाल्यारियी कित्याक नांक तिर्पितात

जल्ले म्होणू चेडू,,,,

- वसुधा प्रभू [मार्च २०१८]

वसुधा प्रभू: नामणेची अभिनेत्री, बरवपीण. कानडी भासेंत मात्र न्हय कोंकणेंत सयत कविता बरंवची ही मुंबयांत नामणेची. नाटक, फिल्मांनी नटन केल्ली ही समाजीक विडंबनांचेर कविता बरयता देकून कविगोश्टिंनी हिच्या कवितेंक लोक खूब खयस कर्ता. हिचो पयलो कविताजमो ’बायील बम्मुणू’ वेगिंच पर्गट जांवच्यार आसा.