ನೆಣಾ ಮೊಗಾ ಹಾಂವ ಫಾಯಚೆ ಖಬರ

ಕವಿತಾ ಕೊಣಾಕ್ ಸೊಧ್ನಾಂ ತರ್ ಅನಿ ಕೊಣಾಕ್ ಉಮಾಳೆ, ಕೊಣಾಕ್ ತಳ್ಮಳೆ ತರ್ ಆನಿ ಕೊಣಾಕ್ ಸಳ್ಸಳೆ. ಕವಿತೆಚೆ ಎಕೇಕ್ ಭಾವ್, ಎಕೇಕ್ ರೂಪ್, ಎಕೇಕ್ ವಿಚಾರ್ ಜೆದ್ನಾಂ ತಿ ಕವಿತಾ ವಾಚ್ತಾಂ ವಾಚ್ತಾಂ ದೊಳ್ಯಾಂ ಸಮೊರ್ ಉಭಿ ಜಾತಾ, ತಿಚ್ಚ್ ಕವಿತಾ ವಾಚ್ಪ್ಯಾಕ್ ಆಂವಡ್ತಾ ಮ್ಹಣ್ಚ್ಯಾಕ್ ಕಾಂಯ್ ಹಿ ಕವಿತಾ ಗೊವಾಯ್ ದೀತ್ ಕೊಣ್ಣಾ.

ಬಾಯ್ ಸ್ಮಿತಾ ಪ್ರಭು ಅಪ್ರೂಪಾನ್ ಕೊಂಕ್ಣಿ ತಶೆಂಚ್ ಕಾನಡಿ ಭಾಸೆಂತ್ ಕವಿತಾ ಬರಯ್ತಾ. ಸಾಹಿತ್ಯಾಚೊ ಭರ್ಪೂರ್ ವೋಡ್ ತಿಕಾ ಆಸಾ ಮ್ಹಳ್ಳೆಂ ತಿಚಿಂ ಬರ್ಪಾಂ ವಾಚ್ತಾಂಚ್ ಸುಸ್ತತಾ.

ನೆಣಾ ಮೊಗಾ ಹಾಂವ ಫಾಯಚೆ ಖಬರ

ಆಸಾ ಹಾತಾ ಹ್ಯಾಘಡಿಚೆ ಆಧಾರ

ಜಾಣ ತೂ ಭಿ ಹೊ ವಿಚಾರ

ಯೆನಾ ಇತ್ಯಾ ತೂ ದೊಳ್ಯಾ ಮುಖಾರ!

ಫಾಂತ್ಯಾರ ದಂವೊ ಅಂಗ್ಣಾ ಪಡತನಾ

ಅಯಕತಾ ಆವಾಝ ಪಾವ್ಲ

ಪಾಯಂಝಣಾ

ಲಾಗ್ತಾ ನಾಂಚೂಕ ಭಾವುಕ ತನುಮನ

ಕೊರು ಇತ್ತೆ ಮೊಗಾ ಕಳಚೆನಾ!

ಹಾಸಾಂತು ತುಗೆಲೊ ಉಜ್ವಾಡು ಪಾವ್ತಾ

ಇಂದ್ಲೊ ಜಾವೂನು ಹೄದಯ ಧೊಲ್ತಾ

ತಾನಿ ಭೂಖ ನೀದ ಸಂಪಯ್ತಾ

ಯಾದು ಮೋಗಾಚೊ ಧ್ಯಾಸು ಲಾಯ್ತಾ

ಸಾಂಗೂ ಕಶಿ ತುಕಾ ಮನಾಭಾವನಾ

ಸಪ್ನಸಂಚಾರಿ ಭಾವಯಾನಾ

ಕರಿ ಸ್ವೀಕಾರ ಮೋಗಾನಿವೇದನಾ

ದಿವೂನು ಪ್ರೇಮಾನ ಅನುಮೋದನಾ!!

-  ಸ್ಮಿತಾಪ್ರಭು [ಸಪ್ತೆಂಬರ್ 2017]

ಸ್ಮಿತಾ ಪ್ರಭು: ಅಪ್ರೂಪಾನ್ ಕೊಂಕ್ಣಿ ತಶೆಂಚ್ ಕಾನಡಿ ಭಾಸೆಂತ್ ಕವಿತಾ ಬರಯ್ತಾ. ಸಾಹಿತ್ಯಾಚೊ ಭರ್ಪೂರ್ ವೋಡ್ ತಿಕಾ ಆಸಾ ಮ್ಹಳ್ಳೆಂ ತಿಚಿಂ ಬರ್ಪಾಂ ವಾಚ್ತಾಂಚ್ ಸುಸ್ತತಾ.