ಕವಿತಾकविताPoem
[ಪ್ರಜಾಪ್ರಭುತ್ವಾಂತ್]
This poem is available in its original Kannada only.
ಪ್ರಜಾಪ್ರಭುತ್ವಾಂತ್ ಸಂಸ್ರಾಂತ್ ನಾಂವ್ ವೆಲ್ಲೊ ದೇಸ್ ಮ್ಹಣುನ್ ಹರ್ದೆಂ ಪೆಟುನ್ ಆಸ್ಚ್ಯಾ ಆಮ್ಚಾ ದೇಸಾಚಿ ಆಯ್ಚಿ ನೀಜ್ ಪರಿಗತ್ ಪಳೆತನಾ ಮನ್ಶಾಪಣ್ ಸಯ್ತ್ ಲಜೆತಾ. ಎಕಾ ವಾಟೆನ್ ಮನ್ಶಾಕ್ ಖಿಮ್ಚುನ್ ಭೊಖಾಂವ್ಚಿ ಭುಕ್, ಅನ್ಯೇಕಾ ವಾಟೆನ್ ಅಸ್ಕತಾಂಚೆಂ ಸುಕ್‌ಲ್ಲೆ ರಗಾತ್ ಪಿಯೆಂವ್ಚಿ ತಾನ್ ಪಳೆತಾನಾ ಎಕ್ ಸವಲ್ ಉದೆತಾ; ನಿಜಾಯ್ಕೀ ಆಮ್ಕಾಂ ’ಬರೆಂ’ ಮ್ಹಳ್ಯಾರ್ ಕಿತೆಂ ಮ್ಹಣುನ್ ಕಳಿತ್ ಆಸಾ? ದೆವಾಚ್ಯಾ ನಿಬಾನ್ ಜರ್ ಹೆರಾಂಚೆರ್ ಜುಲುಮ್ ಚಲ್ತಾ, ತರ್ ನಿಜಾಯ್ಕೀ ಅಮ್ಕಾಂ ’ದೆವಾಚಿ’ ವಳೊಕ್ ಆಸಾಗಿ? ಹೆರಾಂಕ್ ಲುಟುನ್ ಖಾಂವ್ನ್ ಧೆಂಕ್ ಕಾಡ್ಚೆಂಚ್ ಖರೆಂ ಸಮಧಾನ್ ಮ್ಹಣುನ್ ಪಾತ್ಯೆತೆಲ್ಯಾಂಕ್ ’ಅತ್ಮೊ’ ಮ್ಹಳ್ಳೊ ಆಸಾಗಿ?
ಆಜ್ ಖಂಚ್ಯಾ ಪ್ರಾಂತ್ಯಾಂತ್‌ಯೀ ಆಸುನ್, ಖಂಯ್ಚೆಂಯ್ ದಿಸಾಳೆಂ ಉಗ್ತೆಂ ಕೆಲೆಂ ತರ್, ಹರ್ಯೆಕಾ ಪಾನಾಂನಿ ಉಣ್ಯಾರ್ ಉಣಿಂ ತೀನ್-ಚ್ಯಾರ್ ಘಡಿತಾಂ; ಧರ್ಮಾಚೆ ರಾಕ್ವಲೆಖಾತಿರ್ ಜಾಂವ್ಚ್ಯೊ ಖುನಿ, ಭಲತ್ಕಾರ್, ಹಲ್ಲೊ - ಹ್ಯೊಚ್ಚ್ ಖಬ್ರೊ. ಧರ್ಮಾಖಾತಿರ್ ಜರ್ ಕೊಣಾಯ್ಚಿಯ್ ಖುನ್ ಕರುಂಕ್ ಪಡ್ತಾ, ಕಿತೆಂ ತೊ ಧರ್ಮ್ ತಿತ್ಲೊಯ್ ಅಸ್ಕತ್? ಹಿಂ ಸವಾಲಾಂ ಅಧುರಿಂಚ್ ಉರ್ತಾತ್ ಆನಿ ಕವಿಚಿಂ ಚಿಂತ್ನಾಂ ಅಪ್ಶಿಂಚ್ ಮೊರ್ತಾತ್.
ಸ್ವತಂತ್ರ್ ದಿಸಾಚೊ ಮಹತ್ವ್ ಆಮ್ಚ್ಯಾ ಆಯ್ಚ್ಯಾ ಕಾಳಾಚಿ ಹಕೀಗತ್ ಪಿಂತ್ರಾಂವ್ಚಿ ಹಿ ಕವಿತಾ ವಾಚುಂಕ್, ಮಾಪುಂಕ್, ಪಾರ್ಕುಂಕ್, ತುಕುಂಕ್ ವಾ ಥುಕುಂಕ್ ತುಜ್ಯಾ ಚಿಂತ್ಪಾಸಕ್ತೆಚೆರ್ ಸೊಡ್ತಾಂ.
ಸೊಧುನ್ ಗೆಲ್ಯಾರ್ ಕಾಮ್ ನಾ
ಮೊಲಾಕ್ ಘೆಂವ್ಕ್ ಧಾಮ್ ನಾ
ಆಜ್ ಹಾಂವ್ ಸ್ವತಂತ್ರ್!
ಮ್ಹಜ್ಯಾ ಘರಾಂತ್ ಆಜ್
ರಾಂದಣ್ ಝಳಂವ್ಕ್ ಕಾಂಯ್‌ಚ್ ನಾ.
ಎಕ್‍ಚ್ಚ್ ಪೂತ್ ಅಸ್ಲೊ
ಮಾಸಾ-ಆಂಗ್ಡಿಂತ್ ಘೊಳ್ತಾಲೊ
ಪೊಟಾಂ ಆಮ್ಚಿಂ ಭರ್ತಾಲೊ
ಗಾಯ್ರಾಂಕ್ ಮಾರ್ಚೆ ದುಭಾವಾನ್
ತಾಕಾಚ್ ಹಾಣಿಂ ಖಾತರ್ಲೊ
ಏಕ್‌ಚ್ ಧುವ್ ಆಸ್ಲಿ
ವಳ್ವಳ್ಚ್ಯಾ ಆವಯ್ಕ್ ರಾಕುಂಕ್
ಮಧ್ಯಾನೆರ್ ಆಸ್ಪತ್ರೆಕ್ ಗೆಲ್ಲಿ
ಪುಣ್ ಪಾಟಿಂ ಆಯ್ಲಿಚ್‌ನಾ ಬಗಾರ್ ಖಬರ್ ಆಯ್ಲಿ
ರಾತ್ಚೆಂ ಚೆಡ್ವಾಂನಿ ಭಂವುಂಕ್ ನ್ಹಜೊ ಮ್ಹಳ್ಳಿ
ಸೊಧ್ಲಾಂ ಕಂಯ್ ತಾಣಿಂ ಯಂತ್ರ್
ದೇಸ್ ಭಕ್ತೆಕ್ ಪಾರ್ಕುಂಚೆಂ ತಂತ್ರ್
ಏಕ್ ಭಾಸ್, ಜಾತ್ ದೇಸಾಚೆಂ ಮಂತ್ರ್
ತೆಯ್ ಸರ್ವ್ ಜಾಣಾಂತ್ ಹೆಂ ಕುತಂತ್ರ್
ಚಿಂತಾಂ ಹಾಂವ್; ಹೆಂಚ್‌ಗಿ ಸ್ವತಂತ್ರ್
ದೆವಾ ಮ್ಹಾಕಾ ರೂಕ್ ಕರ್
ಸುಕ್ಣೆಂ ಕರ್ ಯಾ ಜಾನ್ವಾರ್ ಕರ್
ನ್ಹೆಸ್ಪಾಕ್, ಖಾವ್ಪಾಕ್, ಚಿಂತ್ಪಾಕ್ ಸ್ವತಂತ್ರ್
ದಳ್ದಿರ್ ’ಮನಿಸ್’ ಸೊಡುನ್
ಆನಿ ಕಿತೆಂ ತರ್‌ಯೀ ಕರ್
ಮ್ಹಾಕಾ ಸ್ವತಂತ್ರ್ ಕರ್
- ವಲ್ಲಿ ಕ್ವಾಡ್ರಸ್ [ಅಗೋಸ್ತ್, 2017]
'Free will
doesn't mean
doing whatever
you want. It
means having the
freedom to do
what is right.'
© 2017 Valley Quadros · ASHAWADI PROKAXON All rights reserved.
ಉಲವ್ಪ್उलवपTalk 8 Oct 2026
Valley Quadros
ವಿಚಾರ್विचारView Oct 2026
ಕಟಪಾಡಿಂತ್ ಭೋವ್ ದಾಧೊಸ್ಕಾಯೆಚೊ ಕೊಂಕಣಿ ಸಂಭ್ರಮ್
ಸಂಪಾದಕೀಯ್संपादकीयEditorial Aug 2026
Sompadoki-i - 1: Yodaham Jiumi, Ohomaxomse (Jiv Astasor Bhorvostam)
More in Poinnari
ಕವಿತಾकविताPoem Feb 2025
Rosteadegechem ful [Diana Sharal Lobo]
ಕವಿತಾकविताPoem Oct 2020
Ken'nam punni utt'teleat ... (- Wilma Bantwal)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.
Comments
No comments yet. Be the first to say what you thought of it.
Leave a comment