ಕವಿತಾकविताPoem

आंकूर (- उदय म्हांबरो)

[कविता] आंकूर (- उदय म्हांबरो)

दीस गेल्लेपरिंच आमी चमकोन आयिल्ली वाट लेगून पर्की जाल्लेपरीं भग्तासतां, फुडली वाट खरीच काळोक आनी अश्पश्टतेच्या दिशेक दाकयता. आमी आमचेमधेंच पर्की जांवची परिगत खरेंच आमकां चिंत्नां गोंदोळाक पावयता.

कवितेंत समाजीक परिगतेचेर आर्सो धरला देकून ह्या आर्स्यांत आमचें मुळावें चिंतप, आमचे विचार, आमचें जिवीत तशेंच आमी चमकोन वेची दिशा पुर्ती नागडी दीस‌ल्लेपरिंच ह्या बदल्च्या मनशाक पळेवन मोळोक सयत रडटा म्हणून कवी सांग्ता. पूण इतलें सर्व जालां/जाता पूण त्या उदक व्हाळोन आयिल्ल्या सुवातेर पुणी नवी आंकर किरलताकाय म्हळ्ळो आशावाद पाचार्ता.

[कविता] आंकूर (- उदय म्हांबरो)

आंकूर

टवटवीत रुखा पानां

चंवरली सगळीं रानां

दंवान वाठार धुंवरेला

देंठाक फळ धरचे ना

बीं नाशिल्लें भात तें

रोयले तरी किल्लूंचे ना

पत्रावळी मांडल्यो जरी

शीत पानार पडचे ना

मळब हांगा आयलां दाटून

किण्ण काळोख पातळ्ळा

दाटला रेबो आटल्या न्हंय

मळब तरी रडत काय ?

भाटांतले पुरवले चर

कोंसळूंक लागले बांद

उसपिल्यार चर निदान

आंकूर तरी किल्लत काय ?

- उदय म्हांबरो. [दसेंबर, २०२३]

उदय म्हांबरो: गोंयचो एक नामणेचो लेकक, कवी, वावराडी तशेंच पदां घडणार. ’हाय सायभा’, ’मनशाच्या सोधांत’, 'इंद्रधोणू' हाचे एदोळ पर्गट जाल्ले बूक. कविता, कथा, अणबव साहीत बरंवचो हो एक कोंकणी वावराडी तशेंच चिंत्पी जावनासच्या हाच्या कवितेंचेर मुंबंयत ’कवितापाठ’ कामासाळांत अध्ययन चल्लां. इंद्रधोणू पुस्तकाक २०२१ इस्वेचो विश्व कोंकणी केंद्रचो ’विमला वी. पै. पुरसकार’ लाभला. हें पुस्तक कन्नड लिपियेंत डिजिटल रुपार आशावादी प्रकाशनान पर्गटलां