Ankor (- Uday Mhambro)

[kovita] Ankor  (- Uday Mhambro)

Dis gel'leporinch ami chomkon ayil'li vatt legun porki zal'leporim bhogtastam, fuddli vatt khorich kallok ani oxpoxttotechea dixek dakoita. Ami amchemodhench porki zamvchi porigot khorench amkam chintnam gondollak pauyta.

Kovitent somajik porigotecher arso dhorla dekun hea arseant amchem mullavem chintop, amche vichar, amchem jivit toxench ami chomkon vechi dixa purti nagddi dis‌l'leporinch hea bodolchea monxak polleun mollok soit roddtta mhonnun kovi sangta. Punn itlem sorv zalam/zata punn tea udok vhallon ayil'lea suvater punni novi ankor kirlotakai mholl'llo axavad pacharta.

[kovita] Ankor  (- Uday Mhambro)

Ankor

ttouttovit rukha panam

chomvroli sogllim ranam

domvan vatthar dhumvrela

dentthak foll dhorche na

bim naxil'lem bhat tem

roile tori kil'lunche na

potraulli manddleo zori

xit panar poddche na

mollob hanga ailam dattun

kinn'nn kallokh patll'lla

dattla rebo attlea nhoim

mollob tori roddot kai ?

bhattantole puroule chor

komsllunk lagle band

uspilear chor nidan

ankur tori kil'lot kai ?

- Uday Mhambro. [Dec, 2023]

Uday Mhambro: Gõycho ek namnnecho lekok, kovi, vauraddi toxench podam ghoddnnar. ’Hai Saibha’, ’Monxachea Sodhant’, 'Indrodhonnu' hache edoll porgott zal'le buk. Kovita, kotha, onnbou sahit boromvcho ho ek konkonni vauraddi toxench chintpi zaunaschea hachea kovitencher mumbomyt ’Kovitapatth’ kamasallant odhyoin chol'lam. 'Indrodhonnu' pustokak 2021 isvecho Vishwa Konkani Kendracho ’Vimala V. Pai. Puroskar’ labhla. Hem pustok kon'nodd lipient ddijittol rupar Ashawadi Prakashan porgottlam