ಕವಿತಾकविताPoem

मांय आनी माता (- डोमिनीक अरावजो)

[कविता] मांय आनी माता (- डोमिनीक अरावजो)

आवय व मांय म्हळ्ळो सब्ध‌च अगाध गुंडायेचो एक सागोर. ह्या गुंडायेक माप‌ल्लीं नांत, ह्या सागोराच्या तडीक मेज‌ल्लीं नांत. पूण एक आवय ह्या धर्तेचेर अपलें काम करून‌च वेता, केदिंच कोणाथावन, कितेंच मागिना. ही आवय कोण म्हळ्ळें समजुंक त्रास नाकात.

[कविता] मांय आनी माता (- डोमिनीक अरावजो)

मांय आनी माता

असतरी म्हजी मांय

धर्तरी म्हजी माता

असतरियेच्या गर्भांत

भुर्गें जल्मता

धर्तरियेच्या पटांत

झाडाची रंपी किरलता

असतरी म्हजी मांय

धर्तरी म्हजी माता

भुर्ग्याक छातियेच्या

दुदांत शिंप्ता

झाडां मातियेचे

अल्साणीन फांकार्ता

असतरी म्हजी मांय

धर्तरी म्हजी माता

वाती परीं जळन

भुर्ग्याक वाडयता

झाडां वतान कडन

जिणेक सावळी दिता

असतरी म्हजी मांय

धर्तरी म्हजी माता

मिठाची कणी जावन

सगळ्यांचो सुवाद जाता

फळांची तळीं जावन

जिणेची भूक मार्ता

असतरी म्हजी मांय

धर्तरी म्हजी माता

जो हात पाळणें धलयता

तो हात संवसार चलयता

निसर्गाच्या रुपांत

प्रिथवेचो सांबाळ कर्ता

असतरी म्हजी मांय

धर्तरी म्हजी माता

- डोमिनीक अरावजो. [जुलाय, २०२०]
डोमिनीक अरावजो: डोमोनीक अरावजो लिखणे नांवार बरंवचो डोमिंगोस कयतानो अरावजो, मूळ गोंयचो पूण पाटल्या कांय तेंपांत कुवेयटांत वावर करून आसचो कोंकणी मोगी, बरवपी तशेंच अपरूप तियात्रिसट. ’कला मोगी कुवेयट’ हाचो अध्यक्ष जावनासच्या हाचीं बर्पां ’गुलाब’ तशेंच जाळिजाग्यांनी पर्गटल्यांत.