ಕವಿತಾकविताPoem

Pankhe naxil'le ghor (- Udoi Mhambro)

[kovita] Pankhe naxil'le ghor (- Udoi Mhambro)

Az monis kitem soulotayeche gulam' zaleat‌kai kitem? Bodlaunn kitem monxachem monxaponn gheun gelankai mholl'llem soval zaite pauttim amokam dhosol'lem asa. Somsarachea surovatecho suroyo zamv, doroyo zamv bodolunk nam, chondr taram soit ozun asat. Mollob soit ozun tench punn hea sorvanchea sakxecho kirkoll monis matr bodol'la mholl'llo attovo korun dita hi kovita.

Bab udoi mhambro ek somvedon‌xil chintopacho kovi. Tachi ekek kovita tachi govai. Hi kovita soit vachun kovitecho osvad korunk tukach ulo ditam.

[kovita] Pankhe naxil'le ghor (- Udoi Mhambro)

Pankhe naxil'le ghor

eka ghorak pankhech naslem

tori ghorantoli monxam

votan korponasoli

pausan bhijnasoli

thondden kuddkuddonasoli

ghorantoli monxam pottak goroz poddtta ten'na

tin fatranchi chul pettoitali

ratikodde fator uxeak gheun

zomnik fantt tenkoun

mollbachi chador pangurotali

ghorak vonntti nasleo

futufutu avaz vonnttik adoll nasle

ghorak daram-i nasli

yetlea votleak ghor ukte asle

ghorak aslim zonelam

zonemlantosun nitoll nirmoll varem yetale

ghorak pankhem nasle

vonntti nasleo

daram-i naslim

zonelam mat aslim

ani asli ti bunead

ghorachi bunead bori ghott asli

- Udoi Mhambro. [Zoner, 2020]

Comments

No comments yet. Be the first to say what you thought of it.

Leave a comment

Write in Kannada, Nagari or Romi, whichever you like. He reads every comment before it appears here, so yours will not show straight away. Your name is printed above it.

Your name

Your comment

0 of 2,000 characters

Only your name and your comment are kept - no email address. They stay on the site until he removes them; to have yours taken down, write to him through the contact form and say which one. Privacy.