Digital Konkonni Prostut ani Fuddar: Porisomvad
25 October 2026: ’Digital konkonni prostut ani fuddar’ vixeacher ayojit kel'lem Digital porisomvad Ashawadi prokaxonan aitara (25 okttobor) sanjer 4 thaun 6 poreant choloun velem. Printt pustok, i-pustok, a-pustok oxea tin prokarachim konkonni pustokam hantum lokarponn zalim.
(Picture: AI generated)
Dr.Jayavanta Nayak (Prinsipal, University College Mongllur) hannem kareachem ugtaunn korun, Digital konkonni xetant pattlea sobhar vorsam thaun nirontor zaun vaur korun aschea Ashawadi prokaxonachi thoknnai korun mhonnalo; ’Digital amcho fuddar, dekun konkonni sahity soit Digitalikoronn korun fuddlea zonangak eka na eka ritin solis zamvchedixen ami sorvamni ekvottin monobhovan kam' korchi gorz asa’
Valley Quadros-an porisomvadachi toxench sorv soireanchi ollok korun, K.B.S. (Konkonni biondd skriptt) misamvavixim mahet divun mhonnalo; "zoxem ek dex, ek bhas’ mholl'llem murkhponnki techporim konkonnint ’ek lipi, ek boli’ chintop soit ’pixem chintop’. Kiteak mhollear karonnantor ami veg-vegollea pranteamni jieun asamv dekun pranti-i bhas, lipi vhaparn ami konkonni boroitamv, vachtamv. Oxem astana eklean sorv lipi/boli xikchem osombhou. Punn konkonnint hea sorv lipink toxench bolink ek soman man-som'man mellunk favo. Tea dixen ’lipyontoronn’ ek bhovo gorjechem punn bhovo sonkoxttachem misamv. Hea misamvant dhorm'/zat/lipi/boli/pranty va kosolech dore nastana fokot lipyontoronnachem kam' Ashawadi prokaxonan hatim ghetlam. Soman chintpache her vekti toxench somsthe hea misamvant zoddleat. Ani hea misamva nimtim edollch panch printt pustokam, don Digital e-pustokam, tin a-pustokam, ek vi-pustok lokarponn zalam. Hem misamv oxench fuddem votolem" oxem mhonnalo.
(Picture: AI generated)
Lawrence V Barboza meanchesttor hannem "Golimarcheo Kotha, Olgoridomachea Vixvant, Monica Dsa Mathais-acheo Kotha’ hea tin pustokanchi toxench boroupeanchi; Dr.Edward L Najreth, Monica Dsa Mathais hanchi mottvean ollok korun dili. Gokuldas Probhun ddo.Eddvordd el, nojretachem nagori lipintlem dusrem printt pustok ’golimarcheo kotha’ kothasongroh lokarponn korun oplea promuk uloupant "Konkonni sahity Digital madhyomacher haddunk Gõyant, kornattokant, moharaxttrant toxench kerollant thoddim vaur korun asat. Hi aichi gorz zaunasa. Hea dixen Ashawadi prokaxonan sobhar vorsamni kel'le proyog khorech zaun thoknnayek favo zal'le. 62 Digital i-pustokam, 16 a-pustokam, toxench pon'nasam voir vebinaramni konkonni sahity odhyoin soit cholomvchem misamv sompem nhoi. Hea Digital yugant kritim' bhudhvontkai, kinddel, osolea sahet/madhyomancho tenko gheun konkonni sahiteachem Digitalikoronn zalem tor, tem konkonnik bhovo upkarak poddtelem. A-pustokak lipichich gorz na, toxench vi-pustokant ami aikonk ani polleunko soktamv zal'lean amchea mobailamni soit konkonni haddunk, ekameka vanttunk, somajik madhyomamni prochar korunk mozotgar zatolem" oxem mhonnalo.
(Picture: AI generated)
Dr.Edward L Najreth oplea sondhexant mhonnalo; "Kothakar zaun hamv ek kotha boroitana mhojea bhomvtonnichem porisor, monxam, bhognnam matr vinchtam xivai, kosoleach tatvik chintpak protinidhitv korchea dixen boroinam, punn mhojea hea kothemni aschi tatvikota kotha odhyoin korteleamni pollelea ani parkilea mholl'llem tanchim propotram vachtana gomta. Eka kothakarak poili adhyota tacho vachpi. To khonchyai pranteant asondi va khonchyai lipint asondi. Mull kon'noddo liintleo mhojeo kotha nagori lipint lipyontoronn kel'lea mitr vol'li kvaddrosachea minotecho foll zaun kon'noddo lipi vachunk kollit natleank mhojeo kotha pavit kel'leurvim labhloli tripti khonchyai puroskaracheaki vortem. Az nagori lipintlem mhojem dusrem pustok lokarponn zalem. Hea pasot Ashawadi prokaxonak dhinvas".
(Picture: AI generated)
Dr.Austin Dsouza Prabhu (Sompadok, Veez) n ’Monica Dsa Mathais-acheo Kotha’ namvachem Ashawadi prokaxonachem 16vem a-pustok lokarponn korun oplea sondhexant mhonnalo; "monika ddesa mothais ddoblinant kam' korn asa punn pattlea kaim tempamni konkonni sahiteant unchlem namv zoddlam. Konkonni kannianchi ti ranni koxi sobhta. Digital konkonnint Ashawadi prokaxon vellakallanusar veveglle proyog korun tacho sogllo faido konkonnik labhaxem korta. Hea misamvak ami sorvamni tenko dimvchi gorz asa. Amim hem Digital sahity ekameka vanttunk soktamv. Dekun hea misamvant choddit ani choddit lokamni zoddchi gorz asa".
Sharatchandra Shennoy Cochin (Sompadok, dixa Digital nemallem) hannem xoilendro mehtachea kon'noddo lipintlea ’olgoridomachea vixvant’ i-pustokachem lokarponn korun "Digital konkonnint kerollant bai Anjali Kini, Balakrishna Malya, ani heram veveglle proyog korun asat ani oxench kinddel, flipbuk, i-pob oxem vevegllim madhyomam vaparn ami konkonni sahiteak choddit lokak pavit zamvcheporim korchem sukt. Digital konkonni xetant Ashawadi prokaxon pattlea sobhar vorsamni kel'lo vaur amkam sorvank prerit zaunasa dekun ho vaur mottea promannant zamv - oxem magtam" mhonnalo.
Dr.Nitin Borkar hannem oplea sondhexant "Digital xetant hamv pattlea vis-ponchvis vorsamni kam' korun asam, punn konkonnint soit hacho faido paumvche dixen pattlea thoddea tempant Shennoy Gõybab, Udoi Bhembre, Madhou Borkor, Shankar Romonni, Laxmidas Krishnna Borkar ani heranchem sogllem sahity Digital madhyomacher yemvchem kam' korun asam. Punn Ashawadi prokaxonachem edea motteapromannant zal'lem kam' polleun mhakach ojeap zata. Digital konkonnint kon'noddo lipint soit osolo vaur zamvcho hamvem pollemvchem poilepauttim. Mhaka hea vebinarant apounnem pattoun mhaka hi somzonni labhaxem kel'lea Ashawadi prokaxonak dhinvas. Ami sorvamni ekvottit zaun ekamekacho hat dhorun konkonnik Digital madhyomacher haddchem kam' bhollan korchi gorz asa" mhonnalo.
K.B.S. Nirdexon somitichi Bai Anju Sakhordande-n oplea uloupant "zoxem konkonnint sangnni asa pella pormanne mateak kurponne, techporim Digital aichi ani fuddarachi gorz somzon dhempe kolejin hea dixen kolejichea silebosant soit vidhearthink vevegllea kritim' bhudhvontkayechim madhyomam ani sahetanche torbhet dimvchem kam' yedollch suru kelam. Bab vol'li kvaddros soit hantum vantteli zaunasa. Amim K.B.S. Misamvam mukhantr konkonni sahiteak Digitalikoronn korchem kam' chaluch dourtamv. Hem oxench mukar vechi gorz asa" mhonnali.
K.B.S. Nirdexon somitichi Dr.Chandralekha Dsouza-n oplea uloupant "dhempe kolejin Digital konkonnik xikomvchak ghetlolem ek progotixil mett zaunasa. Her kolejimni soit hea dixen vechi gorz asa." mhonnali.
Govind Mopokar hannem "konkonnik Digital madhyomacher choddit mapan tantrik soktecho tenko labhchedixen zaiti tornattim kam' korn asat, Ashawadi prokaxonachea somogr Digital vaurachi mahet labhli, ti khorich konkonnik upkarak poddchetosoli." oxem mhonnalo.
Shailendra Mehta-n ’Olgoridomachea Vixvant’ pustok mhojem tisrem kovitechem pustok, toxench kon'noddo lipint lipyontoronn zamvchem tisrem pustok. Mhojea adhlea lipyontoronn pustokak puroskar soit labhla. Ami lipiche dore moddun konkonnik ’opli bhas’ korchi gorz asa. Digital madhyom' ani tantrikota amkam tenko labhaxem korta. Ani hacho faido ami zoddcho. Kovitechim olgoridomant koxem kovita borounko chintpachem promann ani chintpachem olgoridom' kiteak gorjechem mholl'lleacher asa. Kon'noddo lipint soit zaiteo kovita hamvem vachleat ailevar ’anddryu e; ddikunhacheo kovita’ soit vachun, kon'noddo lipint aschem utkrixtt sahity somzonk soklom. Dekun sorv lipinchem unchlem sahity ami apnnaunko zai" oxem mhonnalo.
Valley Quadros-an dhinvas patthoile.
Ashawadi Prakashan-achim Digital Pustokam: https://www.ashawadi.com/digital
Ashawadi Prakashan-achim Digital e-pustokam: https://www.ashawadi.com/digital/ebook
Ashawadi Prakashan-achim Digital a-pustokam: https://www.ashawadi.com/digital/abook
Ashawadi Prakashan-achim Digital Print Pustokam: https://www.ashawadi.com/digital/printed
Comments
No comments yet. Be the first to say what you thought of it.
Leave a comment