ಕವಿತಾकविताPoem

कवितादायज - ३६: म्हजे भितर

[तरजण कविता]

म्हजे भितर

जिविताची सुर्वात जाता जल्मांत, संपणी जाता मरणांत. तर जल्म आनी मरण दोन पोंतामधें जिविताचें अस्थित्व. ह्या जिविताच्या अस्थित्वांत हऱ्येका संधर्भार मनशाक दोन पोंतां दिसतात, जांव आंतरीक वा बाह्रीय नद्रेंत. जशें सूक आनी दूक, राग आनी मोग, अशांती आनी शांती. ह्या दोन पोंतांक कशें ब्यालेन्स करुंक एकलो सक्ता ताचेर मनशाच्या जिविताची दिशा फुडें चमकता.

संसारांत हऱ्येका दिसा संघरष करून जियेवंक पडता. तो संघरष आमी वसती कर्च्या घरांत आस्येत, आमी काम कर्च्या सुवातेर आस्येत, आमी जियेंवचा समाजेंत आस्येत. पूण हऱ्येका संघर्शांत मनशान करुंक जाय जाल्ली प्रमूक क्रिया जावनासा ’चिंतप’. ह्या चिंत्पांत अपली आंतरीक सकत समजोंक तशेंच अपल्या संघरष्याच्या दोन पोंतां पयकिंत खंयचें पोंत आमी चडीत गुमान दीवंक जाय म्हळ्ळें चिंतप मतिंत आटयजाय.

ही कविता सयत असलीच सक्तेची कविता. भर्पूर तात्वीक चिंत्पाची कविता. अपली समाज अपणाक जितल्या भळान लोटता, ताच्याकी चडतीक भळान प्रतिरोध कर्ची श्याथी अपणाथंय आसची कवीक गमता. देकून ही कविता वाचून गेल्लेपरिंच मतिंत अवयक्त सक्तेन भर्ता.

म्हजे भितर

kdbgs

ध्वेशाच्या मधें, म्हजे भितर, संपानासचो मोग आसा,हें म्हाका गम्लें

दुकां थेंब्यां मधें,म्हजे भितर,संपानासच्यो हासो आसात,हें म्हाका दिसलें

गोंदोळाच्या मधेंम्हजे भितर,संपानासची शांतताय आसा,हें म्हाका कळलें

ह्या सगळ्या अणबवांतल्यान म्हाका हें गम्लें की..

थंडियेच्या काळा मधें,म्हजे भितर,संपानासचो वसंत काळ आसा

आनी हें म्हाका खूब खुशाल कर्ता.सम्सर कितल्या भळान म्हाका लोटल्यारीम्हजे भितर ताच्याकी भळवंत ताच्याकी बरें आसचें कितेंगी आसा -जें तितल्याच भळान प्रतिरोद दिता

(तर्जण: वल्ली क्वाड्रस, २०२६)

Comments

No comments yet. Be the first to say what you thought of it.

Leave a comment

Write in Kannada, Nagari or Romi, whichever you like. He reads every comment before it appears here, so yours will not show straight away. Your name is printed above it.

0 of 2,000 characters

Only your name and your comment are kept - no email address. They stay on the site until he removes them; to have yours taken down, write to him through the contact form and say which one. Privacy.

Author

आलबर्ट कामु

Albert Camus (१९१३-१९६०) फ्रेंच-अलजेरियन कादंबरिकार, तत्व‌गिन्यानी, नाटकिसत, पत्रिकोध्यमी आनी कवी. १९५७ इस्वेचो साहित्याचो नोबेल पुरसकार जोडलल्या कामुसाचीं प्रमूक पुसतकां; The Stranger (L'Étranger), The Plague (La Peste), The Myth of Sisyphus आनी The Rebel.

All 1 page by this writer

More in Ashawadi

ಕವಿತಾकविताPoem 12 Nov 2026

फातोर

By रोजारियो पिंटो, मलवाण

Everything in Ashawadi