ಕವಿತಾकविताPoem
ಕವಿತಾದಾಯ್ಜ್ - 36: ಮ್ಹಜೆ ಭಿತರ್
[ತರ್ಜಣ್ ಕವಿತಾ]
ಮ್ಹಜೆ ಭಿತರ್
ಜಿವಿತಾಚಿ ಸುರ್ವಾತ್ ಜಾತಾ ಜಲ್ಮಾಂತ್, ಸಂಪ್ಣಿ ಜಾತಾ ಮರಣಾಂತ್. ತರ್ ಜಲ್ಮ್ ಆನಿ ಮರಣ್ ದೋನ್ ಪೊಂತಾಮಧೆಂ ಜಿವಿತಾಚೆಂ ಅಸ್ಥಿತ್ವ್. ಹ್ಯಾ ಜಿವಿತಾಚ್ಯಾ ಅಸ್ಥಿತ್ವಾಂತ್ ಹರ್ಯೆಕಾ ಸಂಧರ್ಭಾರ್ ಮನ್ಶಾಕ್ ದೋನ್ ಪೊಂತಾಂ ದಿಸ್ತಾತ್, ಜಾಂವ್ ಆಂತರಿಕ್ ವಾ ಬಾಹ್ರೀಯ್ ನದ್ರೆಂತ್. ಜಶೆಂ ಸುಕ್ ಆನಿ ದೂಕ್, ರಾಗ್ ಆನಿ ಮೋಗ್, ಅಶಾಂತಿ ಆನಿ ಶಾಂತಿ. ಹ್ಯಾ ದೋನ್ ಪೊಂತಾಂಕ್ ಕಶೆಂ ಬ್ಯಾಲೆನ್ಸ್ ಕರುಂಕ್ ಎಕ್ಲೊ ಸಕ್ತಾ ತಾಚೆರ್ ಮನ್ಶಾಚ್ಯಾ ಜಿವಿತಾಚಿ ದಿಶಾ ಫುಡೆಂ ಚಮ್ಕತಾ.
ಸಂಸಾರಾಂತ್ ಹರ್ಯೆಕಾ ದಿಸಾ ಸಂಘರ್ಷ್ ಕರುನ್ ಜಿಯೆಂವ್ಕ್ ಪಡ್ತಾ. ತೊ ಸಂಘರ್ಷ್ ಆಮಿ ವಸ್ತಿ ಕರ್ಚ್ಯಾ ಘರಾಂತ್ ಆಸ್ಯೆತ್, ಆಮಿ ಕಾಮ್ ಕರ್ಚ್ಯಾ ಸುವಾತೆರ್ ಆಸ್ಯೆತ್, ಆಮಿ ಜಿಯೆಂವ್ಚಾ ಸಮಾಜೆಂತ್ ಆಸ್ಯೆತ್. ಪುಣ್ ಹರ್ಯೆಕಾ ಸಂಘರ್ಶಾಂತ್ ಮನ್ಶಾನ್ ಕರುಂಕ್ ಜಾಯ್ ಜಾಲ್ಲಿ ಪ್ರಮುಕ್ ಕ್ರಿಯಾ ಜಾವ್ನಾಸಾ ’ಚಿಂತಪ್’. ಹ್ಯಾ ಚಿಂತ್ಪಾಂತ್ ಅಪ್ಲಿ ಆಂತರಿಕ್ ಸಕತ್ ಸಮ್ಜೊಂಕ್ ತಶೆಂಚ್ ಅಪ್ಲ್ಯಾ ಸಂಘರ್ಷ್ಯಾಚ್ಯಾ ದೋನ್ ಪೊಂತಾಂ ಪಯ್ಕಿಂತ್ ಖಂಯ್ಚೆಂ ಪೊಂತ್ ಆಮಿ ಚಡಿತ್ ಗುಮಾನ್ ದೀಂವ್ಕ್ ಜಾಯ್ ಮ್ಹಳ್ಳೆಂ ಚಿಂತಪ್ ಮತಿಂತ್ ಆಟಯ್ಜಾಯ್.
ಹಿ ಕವಿತಾ ಸಯ್ತ್ ಅಸಲಿಚ್ ಸಕ್ತೆಚಿ ಕವಿತಾ. ಭರ್ಪೂರ್ ತಾತ್ವಿಕ್ ಚಿಂತ್ಪಾಚಿ ಕವಿತಾ. ಅಪ್ಲಿ ಸಮಾಜ್ ಅಪ್ಣಾಕ್ ಜಿತ್ಲ್ಯಾ ಭಳಾನ್ ಲೊಟ್ತಾ, ತಾಚ್ಯಾಕೀ ಚಡ್ತಿಕ್ ಭಳಾನ್ ಪ್ರತಿರೋಧ್ ಕರ್ಚಿ ಶ್ಯಾಥಿ ಅಪ್ಣಾಥಂಯ್ ಆಸ್ಚಿ ಕವಿಕ್ ಗಮ್ತಾ. ದೆಕುನ್ ಹಿ ಕವಿತಾ ವಾಚುನ್ ಗೆಲ್ಲೆಪರಿಂಚ್ ಮತಿಂತ್ ಅವಯ್ಕ್ತ್ ಸಕ್ತೆನ್ ಭರ್ತಾ.
ಮ್ಹಜೆ ಭಿತರ್

ಧ್ವೆಶಾಚ್ಯಾ ಮಧೆಂ, ಮ್ಹಜೆ ಭಿತರ್, ಸಂಪಾನಾಸ್ಚೊ ಮೋಗ್ ಆಸಾ,ಹೆಂ ಮ್ಹಾಕಾ ಗಮ್ಲೆಂ
ದುಕಾಂ ಥೆಂಬ್ಯಾಂ ಮಧೆಂ,ಮ್ಹಜೆ ಭಿತರ್,ಸಂಪಾನಾಸ್ಚ್ಯೊ ಹಾಸೊ ಆಸಾತ್,ಹೆಂ ಮ್ಹಾಕಾ ದಿಸ್ಲೆಂ
ಗೊಂದೊಳಾಚ್ಯಾ ಮಧೆಂಮ್ಹಜೆ ಭಿತರ್,ಸಂಪಾನಾಸ್ಚಿ ಶಾಂತತಾಯ್ ಆಸಾ,ಹೆಂ ಮ್ಹಾಕಾ ಕಳ್ಲೆಂ
ಹ್ಯಾ ಸಗ್ಳ್ಯಾ ಅಣ್ಬವಾಂತ್ಲ್ಯಾನ್ ಮ್ಹಾಕಾ ಹೆಂ ಗಮ್ಲೆಂ ಕಿ..
ಥಂಡಿಯೆಚ್ಯಾ ಕಾಳಾ ಮಧೆಂ,ಮ್ಹಜೆ ಭಿತರ್,ಸಂಪಾನಾಸ್ಚೊ ವಸಂತ್ ಕಾಳ್ ಆಸಾ
ಆನಿ ಹೆಂ ಮ್ಹಾಕಾ ಖೂಬ್ ಖುಶಾಲ್ ಕರ್ತಾ.ಸಮ್ಸರ್ ಕಿತ್ಲ್ಯಾ ಭಳಾನ್ ಮ್ಹಾಕಾ ಲೊಟ್ಲ್ಯಾರೀಮ್ಹಜೆ ಭಿತರ್ ತಾಚ್ಯಾಕೀ ಭಳ್ವಂತ್ ತಾಚ್ಯಾಕೀ ಬರೆಂ ಆಸ್ಚೆಂ ಕಿತೆಂಗಿ ಆಸಾ -ಜೆಂ ತಿತ್ಲ್ಯಾಚ್ ಭಳಾನ್ ಪ್ರತಿರೋದ್ ದಿತಾ.
(ತರ್ಜಣ್: ವಲ್ಲಿ ಕ್ವಾಡ್ರಸ್, 2026)
© 2026 ಆಲ್ಬರ್ಟ್ ಕಾಮು · ಆಶಾವಾದಿ ಪ್ರಕಾಶನ್ ಸರ್ವ್ ಹಕ್ಕಾಂ ರಾಕೊನ್ ದವರ್ಲ್ಯಾಂತ್.
More in Ashawadi
ಕವಿತಾकविताPoem 18 Nov 2026
ಜಿವಿತ್ ಫುಲ್ಲೆಂ ನಾ
ಕವಿತಾकविताPoem 15 Nov 2026
ಕವಿ ಕವಿತೆನ್ ಉಲಯ್ತಾ
ಕವಿತಾकविताPoem 12 Nov 2026
ಫಾತೊರ್
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.
Comments
No comments yet. Be the first to say what you thought of it.
Leave a comment