"Zor axa-otreg‌ch ghodde zate, tor bhikariy tancher sovari korte"

Biji (Busy) Asai‌gi?

Placeholder: the original page gave this picture no description, and none has been written yet. It came from daaiz\daaiz\column\editorial\editorial9.asp.
Voros : 2005

Moino : March

Hench soval, mhoza motint sovalanchem vadall chepun gel'lea De|Jorji Pint Aikollan, mhaka sodam-i fon kel'levellar poilem vicharchem zaunas‌l'lem. Sur‍ver hamvemyi ’vhoi il'lom biji asam’ mhonn uprant hamvench taka fon korchem as‌l'lem.

Uprant ’il'lo biji punn sang’ mhonn zap diunko laglom anim thoddea tempa uprant ’vhodd na - ulouyet’ mhonn zap diunko laglem. Hench soval mhoza jibethaun yemvchem jen'nam hamv konnaiki fon korchevellar. ’biji asai‌gi?’ amim amcha jinnyer kitlim biji? mholl'llea chintpacher ekoddo nihall kor‍yangi?

Biji nat‌l'lo monis konn'nch aschona. Zamv to ghattagar ya bhattagar. Zauyet to kulkar ya xetkar. Zauyet to dotor ya kajitor. Zauyeta to sutari ya kam' nastam rostear bhomvcho bekari - hor‍yeklo biji. Tantankam tantancho mholl'llem kam' asa anim oplea motin vopun ghet‌l'lem ek misamv asa. Anim tea misamvak xabhitayen pontak pauvonko hor‍yeklo monis minot korta. Herancha ghoramni chori korcho chor zalear‌yi minot korn'nch chori korunk poddta.

Nave apleach pamyank opnnan'nch kuradd mar‌l'leporim zait. Anim tea chorachi minot itlich - kednam opnnan nagomvcha monxank nid yeta mholl'lli ghoddi somzomvchi. Amim aicha kallacho budhvont lok, bud‌jivi, hea prokrient khoim asamv?

Amkam amchem kam', amchem kuttam', amchem ghor, amchem hital, amcha bhagintlim fulam, amcha ghorant sobhit sunnem, majram asat, amim feaxon somsarant jietamv, lekachem uloitamv, lekachem khatamv, lekachem pietamv anim lekachem urounko preton kortamv. Punn ek songot amim visorn soddlea anim ti zaunasa lekachem nialltamv.

Hem kiteak? karann anim doivik zap ek‌ch - ’amim biji’. Amkam ttivi asat, siriyols asat, amim progotecha paulamni asamv, amcho xevott paxchaty raxttramni vosoti korcho zaunasa, zauyeta to bhasayil'lo gamv kenodda, asttrelia ya londdon zauyeta. Thoimsor man'nachem khann labhta, thoim bhozorongo dollache edoll udeunko nant. Amkam misam aikonk doxi ditelim konn‌y nant.

Borem.. Borem.... Sorv borem... Ek ghoddi chinteam amcha jinnyent amim kitem sadhon korunk asa? amcha jinnyechi vatt kixin vechar asa? khoim vochazoi as‌l'li? khoim vechar asa? sot sangonk bhovo duk bhogta tor‌yi amcha hea ’biji laipant’ amim hea eka porigotent asamv mhollear;

’Amim sur‍vat kel'lea suvater amim dhor‌l'li vatt amkam khoim‌gi pauyta mhonn amim chint‌l'lem, amim khoim-i‌gi pauleamv astam okhrek amim sur‍vat kel'lea suvatek pautana amim konn mholl'llench visorleamv’

Kiteak? kiteak? fokot amcha chintpacha allsayen, amcha olokxen, amim amkanch fottkiro bhorvoso diun fottoun ghemvcheurvinch.

Jezu somsarak ayil'lo bhagemvontankhatir nhoi, patkeam khatir mholl'llem amim korejmacha kallar punnim vach‌l'lem aikolam zauyeta. Aicha kallar amchi kristamv jinni hea chintpak kitli sori zalea? herank zokunk chint‌l'lim bottam amkam zokun ek pauttim nihalleangi? hamv zannam amim biji mhonn. Ekadhavella oxem chintlem tor onyek soval udenangi? ’hea sorvak konn/kitem karann? mhonn?’ kiteak somsarant pidda asa? dubllikai asa? oginean asa? bhuk asa? loz asa? zap bhovo sompi - bud‌jivi mhonn lekhcha amchethaun'nch. Amcha ’biji’ chintpathaun.

Dekun somsarant aschim onvaram udeleant ya udetat ti hea oxikpi, dubllea lokam thaun bilkul nhoi - bud‌jivi mhonn lekhcha monxam thaun - amchethaun. Punn hem sot amim negar korchem ya vopun ghemvchem tea tea monxacha chintpacha poridhibhitorlem chintap.

Punn hea porigotent amim kit'tun pauleamv mhollear mukhar aschim mukhelim-i nhoi, pattim aschim pattlaudariy nhoi. Tor‌yi marekar khottem anim doivik boremponn ekach zagear aschem - monxathoim.

Punn hea chintpacha allsayen khottemponn doivik boremponnacher rajvottki choloitana ponda poddon chirddota, urddota monxachem monxaponn. Tem jivo soddchadhim punnim amim ek pauttim dolle soddn polleyangi?

’Busy natlear matr’

- Valley Quadros, Ajekar