ಕವಿತಾकविताPoem

Tomosso ma jeotirgomoi? (- Sakharam Shennvi Borkar)

[kovita] Tomosso ma jeotirgomoi? (- Sakharam Shennvi Borkar)

Lamb choritrechim ponam ustunchim nakat, kaim thoddea dakoddeadhlo kall gheuyam, toull monoxak choddit xikop naslem, goribi asli, koxtt sonkoxtt asle punn oplim pelim mholl'llo mayamog il'lo toroyi oslo. Toch aichea kallar oplech opnnak luttun khatana tosoleank nit-onitechem chintop soit motik yena. Aichea bodolchea somsarant somaz ani monoxam oxim-i bodol'leant mhollear dudduch sogollem mholl'lleporim monis jieunko lagola.

Bab sokharam' borkorachi hi kovita hech monoxa molamvixim boroyil'li zaunasa. Hea kovitechea gunddayek vochunk tukach ulo ditam.

[kovita] Tomosso ma jeotirgomoi? (- Sakharam Shennvi Borkar)

Tomosso ma jeotirgomoi?

tomosso ma jeotirgomoi!

deva! mhaka kallkhantlean

ujvaddakodden vhor

mhonnpacho dhir atam zaina.

Atam bhordisa, donparchea koddar

choreo, khun, dorodde, bolatkar zatat

tem polloilear

kallkhant aspoch borem dista.

Kallkhant...

Choreo,khun,dorodde,bolatkar korpi

lokanchim tondda tori disnat.

Aikunk yetat teo fokot

kimllcheo ani huyeli!

ani thoddeancho olekzhanddorabhoxen

zog jikhileacho unmad!

disa ujvadda…

tumchech somvkolliche, tonddavele

tumchech soire-dhaire

tumchench khaun

tumkanch fonddat ghalpak sodtat

tem polloilear kallkhant aspoch

tumkam somam disna?

ujvaddant ghoddtta tache poros

kallkhant ani kitem vaitt zatlem?

deva! hea poristhitint

kallkhantlean ujvaddakodden vhor

mhonnpachem magnnem hamv

tujekodden kiteak korum?

- Sokharam' Xennvi Borkar. [Zoner, 2020]

Sokharam' Xennvi Borkar: fattlim sabar vorsam te sat'tean kovita, lekh, nibond, kotha, pustok porikxonnam korit aileat. Tanka atam meren sorsvoti vachnomondir, ponnji, gova sekyulor sel, ramanond prokaxon, kolamonthon amonne, konkonn ttaims, gõy vidheapitth, konknni seva kendr kuddchodde, konknni bhaxa monddoll hanche purskar favo zaleat. Tanche likhann bhangrobhum-i, bimb, zag adi nemalleamnim ujvaddak yeta. Akaxovanni ponnji kendracher tanche kovita vachnache karyokrom' zatat.