Teach vosont rituche sanjer kadd'dinal yujinio marott'tta aplea fulanchea voddtant pasayo mar‍talo. Sokoil, donporachea votak nidrest asul'lem rom' xohor zagem zal'lem matr. Roste vahonanim bhoron gel'le. Provasi sam. Pedruchea bosilika ani kolosiama thaun pattim por‍tatale. Sur‍yastoma vellichem bhangrallem vot lagsilea por‍votancher por‍zolltalem tori sokoil, gol'leamni dhullichi moddam utt‌l'lim.

Voir, kadd'dinolachea nivasa laggim varem nitoll ani xant asul'lem. ’sekredd kongregexon of roitts’ hacho prifektt, ’suprim' ttribyunol of di opostolik signechor’ hacho proprifektt, ’kenon lo’cho komixonor, sam. Zujechea putrancho oni onkvar saibinnichea mellachea dhuvancho somrokxok ani povitr igor‍z matechea itor vis songhancho vhoddil kadd'dinal yujinio marott'ttachea vil'lacho ubhar doro, gett, bhettek aileleank tachea sthanachem bhor‍m' dhakaitalem. Kadd'dinal marott'tta aplo bhor‍m' ani odhikar bhair dakainatlo tori tachea haskur‍ya vodona bhiter lipon asleli budvont‌kai ani dhridd mon lipoun dhorunk sadhy natlem. Kadd'dinal jivan mottvo ani dhoddong zaunaslo. Por‍zollunche majra dolle, mottve hat ani pam-i, ubhar bor matem-tantea baxen tachea topie ponda lip‌l'lem. Tachi prai sattam voir tin zal'lim. Tambddi topi nhesunk ti prai chikke tor‍nich mhonnyet.

Muklo pap‌saib zaun taka thoddeanim atanch vinch‌l'lo. Dusre thodde, muklo pap‌saib chodd bhageunt ani vatikanachea razokiya thaun pois ascho zaunasaje mhonntale. Khoncheaki kadd'dinal marott'tta sondor‍bhak rakon aslo. Sam pedruchea boskek ontor mostu asul'lo. Mograchi mudi, trikon chepem nhes‌l'lean somsarachi patkam, siseachea doglea baxen khandar vhauaizai asul'lem. Tanne var‍ya vadallant ekloch xikhorar ubho ravon asazai asul'lem. Soglle gamv tachea pamya tholla astat. Voir sor‍vesporachem ugtem tondd. Fokot eklo murkh matr papa saibachi podvi, odhikar, tea eksur‍ponnachi kotthorota axet! kadd'dinal marott'ttak oplech matembhor somosye asul'le.

Az kelebria prantachi lhan diesez valentichea bhispa thaun taka potr ayil'lem. Taka valentichea bhispachi voileabar vollok asul'li. To progotipor dhoronnancho toxem procholit razokiyont osokt dhour‍n aslolo goulli mhonnon tanne aikal'lem. Don vor‍sam’dhim tanne skandol‌borit jivit sar‍telea dog yazokank ani odokxotek lagon dog prayest padrink nivrit't korun ek lhan‌xem vadall uttoyil'lem. Potr mottvem ani soroll zaunaslem. Sampradayik vondona sovem potracho saranx zaunaslo: jimel'lo deyi montichea don holl'llem thaun bhavaddteanim ani fir‍goz padrin jiyokomo neron haka oltaricho man favo korizai mhonnon pattailel'lea monove potracho topxil vivor tea potrant ottapun aslo.

Jiakomo neron komunistanchea hotant moronn pavo‌l'lo. He sondor‍b tachea maddtir‌ponnak saks ditale. To melea nontor lokan opxench tache namvi bhokt suru keli. Tachea probhavan sobar pidda gunn zal'le dakle asat. Voizoki-i somzonne promanne him ojeapam zaunasat. Bhispan hem monovi potr vatikanachea neayang tonkhek opsunk yeujil'lem. Hache poilem, kadd'dinal marott'tta ’dhar‍mik vidhinchea povitr mellacho prifektt’ zal'le vor‍vim, bhispan tachem mar‍g‌dor‍xon vichar‌l'lem ani tonkhe khatir roma thaun dogam budvontank- eklo kokxidara kuxik (Postulator) tonkhi cholounko ani dusro bhavaddtacho prerok vo soitanacho vokil (Devil's Advocate: eka vektik oltaricho man favo kor‍che poilem, sombondh zal'le santiponnak purok zol'le dakle ekdom' sukximayen porikxa korunk igor‍z maten nomiar‍lel'lo odhikari) nomiarunk tanne vichar‌l'lem.

Prathomik tonki cholounko diesejichea bhispak‌ch odhikar asul'lo. Odhikariyi tannench nomiar‍yetem. Tor, bhisp, romachi sosai kiteak mogon asa? kadd'dinal marott'tta aplea voddtant pasayo marit't chintunk poddlo.

Kadd'dinal marott'tta zonnaslele borim jimel'lo deyi monti tosolea holl'llenim kosoliy bhokt chodd temp ballvanatli. Thoim bhovaddt dhatt fitisponnanim revoddn astalo. Kadd'dinalak valentachea bhispacheo kuyokteo somzonk chodd vell laglo na. Bhispak aplea diesejik eklo sant zorur zai aslo punn tea khatir to aplea gourovacher zugar khellonk toyar natlo. Tonki folladik zali tor tachea diesejik eklo sant melltolo. Tachea prantantlea komyunistank marunk ek sompe hater melltelem, tonki na yoxosvi zait tor, romantlea budvont mhonxanchea tonddar kori lagteli. Bhispacho upai chintun kadd'dinal marott'tta vijmit paulo. Tenka itteligaronk kiteak kole mhonntat mhonn to atam somzalo!

hanga eka bhispachea protixtthe vor‍ni vor‍tim sovalam ottapun aslim. Ittelintlea elisamvak fokot ek voros ur‌l'lem. Ho sondor‍bh khonddit zaun igor‍z mateche probol virodhi gollsitele. Hantu aniki gundd vixoi lipon asle: eka vektik bhageunt mhonnon pachar‍chem, tea vektik devacho dhir seuk ani taka ur‍lelea bhavaddteam ani deva modhem modhyour‍ti mhonnon volai‌l'le borim. Tachim ojeapam mandche, devachi sokot tache thaun vyokt zatet asa mhonnon dubavavinne mandche tosole. Tosolea songtent chuk ghoddonk sadhy‌ch natlem. Okhkhea dhar‍mik vidhinchea povitr mellache niyom' osoli chuk ghoddonk sadhy‌ch natle borim rochit zal'le. Oporipur‍nn tonkhi skandol uttoita ani igor‍z‌matechea osonkheat sandeancho bhovaddt dhonddollaita.

Por‍votam modhem sureo lipon, kallok prithvecher demvtana thondd hoveak kadd'dinal bapanim ang kaddlem. Adhikaran taka dhridd kel'lo, bhokte vixim taka dubavo asul'lo tori tachea khandari bhavaddtacho khuris asul'lo. Tachea sekular bhor‍mari tachem promukh misamv adheatmik zaunaslem. Misamv, atmeanche, tanchea salvasamvanche ani tanchea desvattechem.

Bhispachi monovi puroskar korunk tanne chintlem. Tachem lhan zoit to chakondi. Jiakomo neronachi tonki manddun haddunk ani tacheo sakxi tir tir‍kutt korunk, sadhy zalear, eka soitanachea vokilak‌yi dhaddtolo. Hanga soitanachea vokilachi pramukhyota postulettora vor‍ni chodd asta. Tachi odhikrit podvich bhavaddtacho prerok zaun. Tanne konnaichim kallzam, monam dukoileari por‍va korunknozo. To geani, sida ani paxamva rohit zaunasaje. Neayant pokxatit ani khonddonant khoddokk. Osole vekti bovo viroll zaunasle ani asleari dusrea rattaullinim vest zaunasle.

Teach vogta kadd'dinalak monsijfor bles merdditacho ugddas ailo. Mor‍nnachi saulli tacher poddon asli. To vixes kamar‌yi nat‌l'lo. Khalich aslo mhonnyet. Soitanachea vokilak zai asli yogyota taka asul'li. Taka mon asagi vo zai pur‍to vell asagi na mholl'lli gozal veglli.