Dusre dis sakallim ikra vorancher monjiFr bles merdditan roma thaun kelobria kuxik poinn suru kelem. Tache mukar dha voranche poinn asul'lem. Povitr xherak bhett diun pattim portonchea yatrikam thaun roil bhoron vomtotalem. Merddit eka mottea manestinni ani poinna lambaiki peketti thaun ovaza sovem peppor minttam chimvon aslelea eka kallea padri modhem chiddkal'lo. Tachi mukli boska eka naddachea zoddean ani tanchea choug bhurgeamni akromonn kel'li. Ddobbeantlim sokkodd zonelam dhamp‌l'lim. Merdditan briviyori ugti korun chit diun vachunk proiton kelem. Punn bhiter‍lem hun varem, roilacho nirontor ovaz ani bhurgeanchea kinkratte vorvim taka tokli foddonk suru zali. Briviyori dhampun to uttlo ani dara sorxim vochon bhaili sobai cheakonk laglo.

Soglleanim pachvem distalem. Bhumycher choloyil'lea nirontor ot'teacharache kur‍hu pachvea tonnan lipoyil'le. Romachea puraton vil'lancher ani kalveancher‌yi pachvi paz mandd‌l'li. Hennenchi bhum-i thokon gel'li. Tiche gudde zhoron gel'le, ranam dhvoms zal'lim ani nhomyo sukon gel'leo. Tori horyeka vorsa, heach vellar bhum-i pachvem nheschea kareant zoit vhor‍tali.

Tache borinch bhiter‍lea sigaranchea dhumvrak, hun toxem mellea var‍yak ubdes bhogun bhair aileleancher tanne dixtt vheli. Bottacher porzollchi mudi ghal'lo nepolsacho vepari, datt moche ani golleak ’loika’ kemora umkallayil'lo zormon provasi, sundor vodonacho omerikon videarthi, ani ek stholli-i tornattem zoddem tachea nodrek sampaddlem.

Merdditachi dixtt vodd‌l'lea tornattea zoddeantlo tornatto tenkacho roit zaunason, taka porzollche dolle ani utton dische ghott‌mutt baulle asul'le. Cheddum chikke mottvem ason penkatt rund asul'lem. Mottvea golleachi blauz tachim ubhar stonam niyontronnar dhourunk koxttatali. Tanche xivai bhomvtileank tim visral'lim. Roilachea dholounnek tim yi dholtalim. Tornatteachea tonddar somsar jik‌lea kombleacho jinos utton distalo tor, choliechea tonddar tripti nixetali.

Tanka polleun merddit chikke osvosth zalo. Devo xastirantlem vivoronn ani oprub kumsarint aikal'lem soddlear mog mholl'llo sobd tachea jinnient oporichit zaunaslo. Kadd'dinal marott'ttan sang‌l'lem khorem mhonnon taka bhoglem: to mhonxa kuttma thaun bovo pois asul'lo.

Tachea pottachea gunddaye thaun hollu duk suru zali. Thoddo vixevo ghemvche khatir to aplea boskek pattim portalo. Thoim kallea padrin sermamv suru kel'lo:

..... Nizaiki amche papasaib bhageunt‌ch mhonnazai. Sam. Pedruchea basilikant te mhaka lagon'nch as‌l'le borim ravon asle. Tanche thaun bhair sor‍chi ti doivik sokot konnaki parkivyeti. Roma povitr xher mhonnon volayil'leanchi zannvai nizaiki hogllikek patr zaunasa. Punn ek ugddas dhoura, igorz‌mateche sokkodd sant romant nant. Amchea lhan prantanti odhikrit nhoi tori eklo khoro sant asa.

Merdditan dolle dhamp‌l'le tori to tokxonn zagrit zalo.

Merdditan dolle ughoddle ani mugdhoten vichar‍lem:

fador, tumim taka vollkateleat‌gi?

kallea padrin merddita heuxim ek dubavi nodor mar‍li.

Vhoi. Punn voyuktik thoran nhoi. Tache vixeant hamv mostu zanna. Hamv tachea sezara kosenji diesejicho

devo borem korum fador. Mhonnon merdditan portean dolle dhample. Kallo padri aple bosker osvosthen hullvullonk laglo. Punn merdditak kosoloch poxchat'tap bhoglo na. Konnem-i devo xastirachea xoiler ulomvchem taka borem laganatlem. Devachea utranim ani torkan bandhun haddlelea igorz‌matechea totvank thoddeanim peppor‌mintt bhoktek demvoyil'lem. Adhunik kallachea samajik ani noitik somoseank porihar sodchea vor‍ni bhovaddt, bhokt mholl'lli sosar vatt thoddea allxi padrinim dhor‌l'li. Tea dekun samany lokak bhoyanok zaunaschem moronn, duk, paxamv ani mel'lea nontor‌chea misterak fudd korunk aidavinn lott‌l'le borim mhonnon merdditak bhogtalem.

Thoddea vellak vicholit zal'lo kallo padri aplea sobhikank soddunk toyar natlo. Tanne merdditachea dompracher kutt'ttilem.

Monsigoneor, tumim romache mhonn dista?

vhoi. Merdditan mottvi zap dili.

Italiyon?

nhoi. Inglix.

Oh, vatikanak ailelo yatrik?

na. Hamv vatikonant kam' kor‍tam.

Kallo padri taka bhava porim polleun haslo. Tum odrixtt‌vont‌ch mhonnaje! tumim santanche movo gade kostana, amim holl'llentle fatrall zage kosun asamv!

hamv kosolench kostet na. Merdditachea talleant tiroskar bhor‌l'lo. Rom'; pearis, londdon ani borlina borinch ek samany xher. Santanche xher nhoi. Rom' itlea suvyoustit ritin cholta kiteak mhollear: tem kristamv‌ponnachem kendr zaunasle vorvim. Papa, tem suvyoustit thoran cholaje mhonn chinta.

Kallea padrin vixoi bodli kelo. Tum mhojem kutuhol uskaun asai monsigoneor! to mhonnalo. Tuka mhoje pras chodd onbhog asa tem khorem. Punn tum kitem-i mhonn, holl'llecho porisor ekleak santiponnak voddta zalear, xher loukik jinnye kuxik lott'ta! tuji obiprai kitem?

merdditan nirutsahan zap dili.

Mhoza onbhoga formanne, sant amim nirikxonn korinaslea zageanim toxem kallar udeleat.

Sarkem sanglem-i! kallo padri udgarlo. Hem, amchea devachea seukak, jiakomo neronak xembor tthokke lagu zata. To jiel'lo gamv, jimel'lo deyi monti vixim tumim zonnant‌ve monsigoneor?

edoll na.

Jiel'lo deyi monti eka porvotacheo don tokleo. Ek tokli jimel'lo moinor. Bovo durbolli. Dusri, jimel'lo meagior. Chikke adhunik. Amchea prantant jiakomo neronak man labta poreant hea holl'llenk konn'nch vollkanatle.

Uprant?

uprant?... Uprant ek vichitr gozal ghoddli. Jiakomo, jimel'lo moinorant jiel'lo ani vavur‍lol'lo. Heach holl'llent taka ghat kel'lo ani jivexim mar‌l'lem. Jimel'lo meagiorant eka grott'ttea laggim taka nikepilem. Tea’prant jimel'lo moinor dubllikayen buddon vetana, jimel'lo myogior sudron ailem. Thoim atam ek novi igorz, aspotr ani yatrikam lagon ek dhorm'‌xall bandhlam. Hem devachem krityem. Ghat kel'leank lat, sasnnacho asro dil'leank puroskar!

grest‌kai doivik puroskaracho gurt mhonnonk zaina. Merdditan mhollem. Jimel'lo meagiorachea obhivrid'dhek thoincho meyor, nagorik toxem firgoz padriyi karonn zaunasyet.

Kallo padri bobattlo:

tujem vixlexonn chodd zalem monsigoneor!! hem sogllem devot mhonxanim voroun tirp dilam!

omvsorache nirnnoi hamv mandina. Merdditan sanglem. Bhovaddteanchi obhiprai vichar‍n sant korinant. Tea lagun igorz‌mateche kotthinn nem' asat. Tea dekun jiakomo neronache tonkek mhaka bhovaddtacho prerok zaun nemla. Tea lagon hamv bhair sor‍lam. Tuje laggim kosoleoi voyuktik rujvati aslear, hamv aikonk khuxi vhor‍tam.

Kallo padri poilem nargalo. Uprant opunn nenna mhonnalo. Roil formio nildhannant thambtana to demvon gelo. Roilak hanga vis minuttanchi thambnni asul'li. Merdditak pam-i sodill korunk ani aplea noddtea voir loz favonk sondrap mell'llo. Tanne tonki korunk ayil'lea vekti vixim zannkari zoddcho prothom' ovkas hogddaun ghet‌l'lo.

Fleatt‌formacher pasayo marit't to opnna thoim kitem unn asa mhonn chintunk poddlo. To zonna’slo, dusre padri roitanchea jheunna mezar‌gi, vo kulkaranchea kujnanim ek kop vain pietana somzonni toxem onbhog zoddtale. Te maslle markettintli fokonnam toxench kadd'dinalachea meza voilem gombir ulounne jirounko soktale. Tevi adorx yazok‌ch. Tanche ani opnna modhem kitem veteas? paxamv. Oxem kaddinal marott'ttan mholl'llem. Dusreanchi duk onbhog kor‍chi ani sontosant vantteli zamvchi sokot. Jezu krist patkeam modhem, vebhicharinnim sangata jevo‌l'lo, vain piel'lo. Punn tacho yazok, monigoneor bles merddit mhonxa kullak patt korun tachea gronthanchi, failanchi dhull usvastalo. Atam-i to eksuroch asul'lo ani moronn tachea pottant vaddon'nch asul'lem.

Garddan vixil funktana bles merddit hollu voir choddlo.